ភពអង្គារ​ (Mar)

ភពព្រះអង្គារ​ (Mar)

ភពអង្គារ ឬ “ភពក្រហម” ហើយផ្ទៃខាងលើរបស់វាមានធូលីដី មានថ្ម និងបរិយាកាសស្តើង។ វាស្ថានភាពស្ងប់ស្ងាត់ហើយនៅជិតនឹងភពផែនដី នេះធ្វើឱ្យវាក្លាយជាទិសដៅចំបងបំផុតសម្រាប់ការរុករកនាពេលអនាគត។

រ៉ូបូត Curiosity ធ្វើដំណើលើផ្ទៃដីភពអង្គារ។

ប្រភព៖ NASA

• ​ភពអង្គារ (Mars) គឺជាភពមួយដែលងាយស្រួលបំផុតក្នុងការសិក្សាពីផែនដី។ វាពិតជាជិតនឹងផែនដីហើយឆ្ងាយពីព្រះអាទិត្យដូច្នេះវាងាយស្រួលមើលនៅលើមេឃពេលយប់។ យានអវកាស Mariner 4 គឺជាយានអវកាសដំបូងបង្អស់ដែលបានថតរូបភាពជិតបំផុតនៃភពអង្គារនៅឆ្នាំ ១៩៦៥ ។ យាន Viking 1 យានViking 2 និង យានPathfinder បានចុះចតនៅលើផ្ទៃភពព្រះអង្គារហើយបានបញ្ជូនរូបភាពមកអោយយើងវិញ។ ពួកវាក៏បានវិភាគលើដីរបស់ភពអង្គារ (Mars) នេះ។

ផ្ទៃក្រហម និងផ្ទាំងថ្មរបស់ភពព្រះអង្គារដែលបានថតដោយយាន Pathfinder។

ប្រភព៖ NASA

• ម៉ាស៍ (Mars) គឺឈ្មោះព្រះនៃសង្រ្គាមរបស់ជនជាតិរ៉ូម៉ាំង។ ខ្មែរយើងហៅឈ្មោះភពនេះថាភពអង្គារ។ 
• ភពអង្គារធ្វើដំណើរជុំវិញព្រះអាទិត្យរបស់យើង​។ ភពអង្គារគឺជាភពទីបួនចេញពីព្រះអាទិត្យ និងមានចម្ងាយជាមធ្យមប្រហែល 228 លានគីឡូម៉ែត្រ ពីព្រះអាទិត្យ ។
• ភពអង្គារត្រូវបានគេដាក់ឈ្មោះក្រៅថា "ភពក្រហម" ពីព្រោះវាត្រូវបានគ្របដណ្ដប់ដោយធូលីពណ៌ដូចដែកច្រែះ។ សូម្បីតែបរិយាកាសក៏មានពណ៌ក្រហមផ្កាឈូកដោយសារភាគល្អិតតូចៗនៃធូលីដែលហោះឡើងពីផ្ទៃនៃភពនេះ។
• ភពអង្គារធ្លាប់ជួបព្យុះធូលីធំៗជាច្រើនលើក ដែលបណ្ដាលឱ្យផ្ទៃខាងលើរបស់វាមានការប្រែប្រួល។
• ភពអង្គារមានភ្នំភ្លើងធំៗជាច្រើន ហើយវាជាផ្ទះរបស់ភ្នំភ្លើង អូលីមភូស (Olympus Mons) ដែលជាភ្នំភ្លើងធំជាងគេនៅក្នុងប្រព័ន្ធព្រះអាទិត្យរបស់យើង វាមានកម្ពស់ ២១ គីឡូម៉ែត្រ និងមានចម្ងាយ ៦០០ គីឡូម៉ែត្រឆ្លងកាត់ផ្ទៃបាត។
• ភពអង្គារមានបរិយាកាសស្ដើងខ្លាំងដែលផ្សំដោយឧស្ម័នកាបូនឌីអុកស៊ីតភាគច្រើន។ បរិយាកាសស្ដើងនេះមិនអាចទប់កំដៅព្រះអាទិត្យបានទេដូចគ្នានឹងភពសុក្រ (Venus)ដែរ ដូច្នេះភពនេះគឺត្រជាក់ណាស់។ 
• សីតុណ្ហភាពមានចាប់ពី -១២០ អង្សាសេនៅពេលយប់នៅរដូវរងារនិង ២៥ អង្សាសេនៅរដូវក្តៅ។
• ភពអង្គារមានស្នាមរលក វាលទំនាបនិងរណ្ដៅជាច្រើននៅលើផ្ទៃដែលអាចបណ្តាលមកពីសំណឹកទឹកកាលពីអតីតកាល។
• ពន្លឺព្រះអាទិត្យចំណាយពេល ប្រមាណ ១៣.៦៣ (ជាង១៣ នាទី) ដើម្បីទៅដល់ភពអង្គារ។
• ប៉ូលទឹកកកកាបូនឌីអុកស៊ីតកក (ទឹកកកស្ងួត) ដែលស្ថិតនៅលើស្រទាប់ទឹកកក។
• សូមចុចតំណខាងក្រោមដើម្បីឈ្វេងយល់បន្ថែម

គម្រោងអារតេមីស៖ ពីព្រះចន្ទតទៅភពព្រះអង្គារ

Curiosity៖ មន្ទីរពិសោធន៍ចល័តលើភពព្រះអង្គារ

ការធ្វើដំណើរទៅភពព្រះអង្គារត្រូវប្រឈមនឹងបញ្ហាអ្វីខ្លះ?

តើហេតុអ្វី​ភពព្រះអង្គារ​ជា​ទិសដៅ​នៃ​ការ​ស្វែងរក​ជីវិត​ក្រៅភព?

ឯកសារពិគ្រោះ៖

• Duckster (2019) retrieved from https://www.ducksters.com/science/mars.php
• NASA Science (2019) retrieved from https://solarsystem.nasa.gov/planets/mars/overview/
• Science Kid (2019) retrieved from http://www.sciencekids.co.nz/sciencefacts/planets/mars.html
• ក្រសួងអប់រំ (២០១៥) ផែនដីវិទ្យាថ្នាក់ទី៧ មេរៀនទី៥ ភពសំខាន់ៗ