ភពសុក្រ (Venus)

ភពសុក្រ (Venus) គឺជាភពដែលគួរឱ្យចាប់អារម្មណ៍មួយ។ វាមានទំហំស្ទើរប៉ុនផែនដី ប៉ុន្តែបរិយាកាសនិងស្ថានភាពផ្ទៃគឺខុសគ្នាឆ្ងាយ។ បរិយាកាសដ៏ក្រាស់របស់វាបានទប់កំដៅខណៈពេលដែលផ្ទៃខាងលើរបស់វាសម្បូរទៅដោយភ្នំភ្លើងផ្ទុះយ៉ាងសកម្ម។ បរិយាកាសនៃ ភពសុក្រ (Venus) គឺមានឧស្ម័នកាបូនឌីអុកស៊ីតភាគច្រើន។ ទំហំរបស់វាតូចជាងផែនដីតែបន្តិចទេ។

• វ៉ែននុស (Venus) គឺជាឈ្មោះទេពធីតានៃសេចក្តីស្រឡាញ់របស់ជនជាតិរ៉ូម៉ាំង។ ខ្មែរយើងហៅភពនេះថាភពសុក្រ ប៉ុន្តែប្រជាជនទូទៅហៅវាថាផ្កាយព្រឹក នៅពេលព្រឹក និងពេលយប់វាត្រូវបានគេហៅថា ផ្កាយចោរ។
• នៅសតវត្សរ៍ទី ៦ មុនគ.ស. គណិតវិទូជនជាតិក្រិចម្នាក់ឈ្មោះ ពីតាគ័របានកត់សម្គាល់ថាវាជាភពតែមួយ។ នៅទសវត្សឆ្នាំ ១៦០០ លោកកាលីលេ  បានឃើញថាភពសុក្របានធ្វើនៅជុំវិញព្រះអាទិត្យ។
• វាក៏មានលក្ខណៈកម្លាំងទំនាញស្រដៀងនឹងផែនដីដែរ។
• មួយថ្ងៃនៅលើភពសុក្រមានរយៈពេល ២៤៣ ថ្ងៃនៃផែនដីពីព្រោះភពសុក្រវិលខ្ញាល់ (spin) ថយក្រោយ គឺមានន័យនៅលើភពនេះ ព្រះអាទិត្យរះនៅទិសខាងលិចនិងលិចនៅទិសខាងកើត បញ្រ្ចាស់ខុសពីភពផែនដី។
• ភពសុក្រវិលជុំវិញព្រះអាទិត្យរបស់យើង។ ភពសុក្រគឺជាភពដែលជិតបំផុតលំដាប់ទី ២ នៅក្នុងប្រព័ន្ទព្រះអាទិត្យដែលមានចម្ងាយប្រហែល ១០៨ លានគីឡូម៉ែត្រ។
• បរិយាក្រាស់ណាស់ហើយមានពន្លឺតិចតួចនៅផ្ទៃខាងលើ។ ពន្លឺដែលទៅដល់ផ្ទៃខាងលើ មិនត្រូវបានបំលែងទៅជាអ្វីឡើយក្រៅតែពីកំដៅ ហើយកំដៅនេះមិនអាចចេញទៅណារួចនោះទេ គឺរក្សាជាប់ក្នុងបរិយាកាសដែលធ្វើឱ្យភពសុក្រក្លាយជាភពដែលក្តៅបំផុតនៅប្រហែល ៤៦៥​អង្សាសេ។
• ផ្ទៃនៃភពសុក្រជាញឹកញាប់ត្រូវបានគេពិពណ៌នាថាជា “វាលនៃព្យុះខ្សាច់” ដែលពោរពេញទៅដោយរណ្ដៅជាច្រើននិងមានភ្នំភ្លើងផ្ទុះយ៉ាងសកម្ម។






យាន Magellan ហោះពីលើ ភពសុក្រ (Venus)
ប្រភព: NASA.

• យានអវកាសដំបូងដែលចុះចតនៅលើផ្ទៃភពគឺឈ្មោះ  វេណឺ៧ (Vener 7) ដែលជាយានរបស់ប្រទេសរុស្ស៊ី។ ក្រោយមកទៀតពីឆ្នាំ ១៩៨៩ ដល់ឆ្នាំ ១៩៩៤ យានឈ្មោះ Magellan Probe បានប្រើរ៉ាដាដើម្បីគូសផែនទីផ្ទៃរបស់ ភពសុក្របានយ៉ាងលម្អិត ។
• សូមចុចតំណខាងក្រោមដើម្បីឈ្វេងយល់បន្ថែម

ភពសុក្រ៖ ផ្កាយព្រឹក ឬ​ ផ្កាយចោរ

ឯកសារយោង៖

• https://solarsystem.nasa.gov/planets/venus/overview/
• https://www.ducksters.com/science/venus.php
• http://www.sciencekids.co.nz/sciencefacts/planets/venus.html
• ក្រសួងអប់រំ (២០១៥) ផែនដីវិទ្យាថ្នាក់ទី៧៖មេរៀនទី៤