អាកាសធាតុដែលគ្រោះថ្នាក់

អាកាសធាតុខ្លះអាចមានគ្រោះថ្នាក់។ យើងពិពណ៌នាអំពីស្ថានភាពអាកាសធាតុមួយចំនួននៅខាងក្រោមដែលអាចបណ្តាលឱ្យការខូចខាតនិងធ្វើឱ្យអ្នកគ្រោះថ្នាក់ទៀតផង។ នៅពេលណាដែលអ្នកជួបអាកាសធាតុដែលគ្រោះថ្នាក់ខាងក្រោម អ្នកត្រូវសួរឪពុកម្តាយនិងគ្រូរបស់អ្នកអំពីអ្វីដែលត្រូវធ្វើដើម្បីមានសុវត្ថិភាព និងធ្វើតាមការណែនាំរបស់ពួកគេ។

ខ្យល់កន្ទ្រាក់ (ព្យុះមានផ្គររន្ទះ)
នៅពេលដែលខ្យល់ក្តៅមានសំណើមនៅលើដីកើនឡើងយ៉ាងយ៉ាងរហ័ស ខ្យល់កន្ត្រាក់ លាយឡំជាមួយផ្គររន្ទះអាចនឹងកើតឡើង។ ខ្យល់កន្រ្តាក់នាំមកនូវកម្លាំងខ្យល់បក់ខ្លាំង មានភ្លៀងធ្លាក់ខ្លាំង រន្ទះ និងពេលខ្លះមានភ្លៀងទឹកកក។ ខ្យល់កន្រ្តាក់បានកើតឡើងពាសពេញពិភពលោករបស់យើងរាល់ថ្ងៃ។ វាអាចកើតឡើងគ្រប់ពេលប៉ុន្តែភាគច្រើនកើតឡើងនៅពេលរសៀលនិងពេលល្ងាចក្នុងរដូវប្រាំង ដែលក្ដៅខ្លាំង។ ខ្យល់កន្រ្តាក់អាចបង្កគ្រោះថ្នាក់ខ្លាំងណាស់។ ផ្លេកបន្ទោរកើតចេញពីខ្យល់កន្រ្តាក់នេះសម្លាប់មនុស្ស សត្វជាច្រើនជារៀងរាល់ឆ្នាំច្រើនជាងព្យុះកំបុតត្បូង (ព្យុះខ្យល់គួច)ទៅទៀត។


រន្ទះ ឬផ្លេកបន្ទោរ 
ភ្លើងពន្លឺនេះគឺជាការផ្ទុះចរន្តអគ្គិសនីដ៏ខ្លាំងខ្លា ដែលកើតឡើងជាមួយព្យុះនិងបាញ់មកផែនដីដោយកម្លាំងខ្លាំង។ រន្ទះកើតឡើងដំបូងមកពីខ្យល់បក់ខ្លាំងក្នុងព្យុះនេះ បណ្តាលឱ្យភាគល្អិតឬល្អងទឹក ប៉ះទង្គិចដោយកម្លាំងខ្លាំង ហើយនេះបណ្តាលឱ្យមានបន្ទុកអគ្គិសនីកើតឡើង។ ផ្នែកខាងលើនៃព្យុះនេះមានបន្ទុកអគ្គិសនីបូក(+) ហើយផ្នែកខាងក្រោមនៃព្យុះមានបន្ទុកអគ្គសនិដក (-)។ នៅពេលដែលបន្ទុកអគ្គសនីដកកើនឡើងដល់ចំណុចណាមួយ វានឹងបញ្ចេញទាំងអស់ ឬបាញ់ ក្នុងទម្រង់ជាភ្លើងផ្លេកបន្ទោរ។ ដោយសារវត្ថុនៅលើដីមានបន្ទុកអគ្គិសនីបូកផងដែរនោះ រន្ទះជាញឹកញាប់អាចបាញ់វត្ថុមួយនោះនៅលើដី។

រន្ទះជាញឹកញាប់បាញ់ចំណុចដែលខ្ពស់នៅលើដី។ វាត្រូវបានស្របដោយលោហៈផងដែរ។ ក្នុងអំឡុងពេលខ្យល់ព្យុះរន្ទះ អ្នកត្រូវស្ថិតខាងក្នុងដំបូល។ កុំឈរនៅក្រោមដើមឈើ ឬកាន់វត្ថុដែលមានជាតិលោហៈដូចជាឆ័ត្រជាដើម ហើយ ក៏ត្រូវប្រាកដថាចេញពីទឹក កុំហែលក្នុងអាង ឬនៅត្រាំទឹកពេលមានព្យុះផ្គររន្ទះ។

ខ្យល់ព្យុះ (Hurricanes)
ខ្យល់ព្យុះគឺមានកម្លាំងខ្លាំងខ្លាណាស់ វាកើតឡើងនៅលើមហាសមុទ្រ។ វាអាចមានទំហំរហូតដល់ជិត ១ គីឡូម៉ែត្រ (៩៦៦ គីឡូម៉ែត្រ)។ ខ្យល់ព្យុះនេះបណ្តាលឱ្យមានខ្យល់បក់ខ្លាំង ភ្លៀងធំៗ ទឹកជំនន់ និងរលកសមុទ្រដ៏កាចសាហាវដែលអាចបណ្តាលឱ្យមានការបំផ្លិចបំផ្លាញគួរឱ្យភ័យខ្លាច។ ខ្យល់ព្យុះនេះកើតឡើងនៅរដូវក្ដៅនិងរដូវស្លឹកឈើជ្រុះនៅពេលទឹកនៅមហាសមុទ្រមានកម្ដៅខ្លាំង។ ខ្យល់ព្យុះ នេះមានកម្លាំងខ្លាំងដោយសារកម្ដៅទឹកសមុទ្រក្តៅលើសពី ២៧ អង្សាសេរ បូករួមជាមួយការរង្វិលខ្ញាល់នៃផែនដីផងនោះ ធ្វើឱ្យខ្យល់ព្យុះនេះបោកបក់ខ្លាំងជាទម្រង់កងចក្រវិល គឺមានន័យថាខ្យល់វិលជុំវិញចំណុចកណ្តាល។ ចំណុចកណ្ដាលនៃខ្យល់ព្យុះដែលមានទំហំរហូតដល់ ៣,២ គីឡូម៉ែត្រនេះគេហៅថាភ្នែក។ ហើយចំណុចកណ្ដាលនេះនៃព្យុះ ជាធម្មតាមានភាពស្ងប់ស្ងាត់ ប៉ុន្តែខ្យល់ខាងក្រៅវិញបោកបក់វិលដូចកងចក្រក្នុងល្បឿនពី ១០៩ ទៅ ២៤២ គីឡូម៉ែត្រក្នុងមួយម៉ោង អាចរកបាន។


ខ្យល់ព្យុះកំបុតត្បូង (Tornadoes)
វាជាខ្យល់ព្យុះគួចបញ្ឈត្រង់ទៅលើ មានកម្លាំងបក់បោកខ្លាំង។ ខ្យល់ព្យុះកំបុតត្បូងនេះកើតឡើងជាមួយខ្យល់កន្ត្រាក់ ចាប់ពីក្នុងក្រោមនៃខ្យល់កន្រ្តាក់ចុះមកដី ហើយវាល្បឿនរហូតដល់ 483 km ក្នុងមួយម៉ោង។ ព្យុះកំបុតត្បូងមានទំហំតូចជាងខ្យល់ព្យុះ ហើយវាកើតនៅលើដី ច្រើនជាងនៅលើសមុទ្រ។ កម្លាំងនៃព្យុះកំបុតត្បូងនេះបានពីខ្យល់កន្រ្តាក់ដែលមានកម្លាំងដ៏ខ្លាំង។